|
Me pianse
el cuor
de no essar lì co’ tuti vualtri,
amissi mii e bele, care signore
che savì tante robe drento
de nualtri vecioti
(xe la vostra forsa maledeta,
ma anca la vostra granda benedission!).
Me pianse el cuor
(quel maledeto che me tien qua,
parché ghe piase fare el mato;
del resto – e so’ contento –
el lo gà sempre fato a modo suo
par tuta la mia vita)
de no essar lì a scambiarse
quatro ciacole e quatro sorisi,
do’ pache sule spale
a magari … se capita …
qualche ricordo.
Un logo, ‘na divisa,
‘na dissiplina (drento e fora),
un senso de apartenensa
e squasi de nobiltà:
“porca l’oca! So’ de la Nunsiatela!”
E mi che vegniva da un paeseto
In meso a le montagne,
coi noni contadini, e le vache
e i porsei, le oche e le galine!
Prové a pensarghe un poco:
dai campi al mar
dai preti ai comandanti
dalla messa alle puttane
(e si, benedete anca lore!)
dal “si, Signore” al “Signorsì”!
cossa ghe passa dentro un fio?
cossa se costruisse drento de lu?
A mi me xe sucesso
tanti ani fa – e credo
che me gabia fato ben -
amo la vita e amo tuto el mondo
amo la zente e amo el sol,
amo vualtri tuti
che almanco in qualcosa credé:
a volte basta un filo,
‘na picola raìsa,
par fare un albaro grando.
Che sia sempre la nostra amicissia
un albaro grando
e sto Nadal, come tuti i Nadal,
un zorno novo
par capir, ancora ‘na volta,
che quel che conta de più
ne la vita – ne l’universo intiero –
xe sempre l’amor!
|
Mi piange il cuore
Di non essere lì con tutti voi
Amici miei e belle , care signore
Che sapete tante cose che stanno dentro A noi vecchietti
( è la vostra forza maledetta ,
ma anche la vostra grande benedizione!)
Mi piange il cuore
( quel maledetto cuore che mi tiene qua
perché gli piace fare il matto :
del resto – e sono contento –
lui ha sempre fatto a modo suo
per tutta la mia vita )
di non essere lì con voi a scambiarci
quattro chiacchiere e quattro sorrisi,
due pacche sulle spalle
e magari….se capita….
Qualche ricordo.
Un luogo, una divisa,
una disciplina ( dentro e fuori )
un senso di appartenenza
e quasi di nobiltà :
“ porca l’oca! Sono un Ex allievo Nunziatella”
Ed io che venivo da un paesetto
In mezzo alle montagne,
con i miei nonni contadini , e le vacche
e i maiali , le oche e le galline !
Provate a pensarci su un poco:
dalla campagna al mare
dai preti ai comandanti
dalla messa alle puttane
( e si, benedette siano anche loro ! )
dal “si,Signore” al “Signorsì”
cosa può passarci dentro ad un ragazzo?
Cosa si costruisce dentro di lui ?
A me è successo
tanti anni fa – e credo
che mi abbia fatto bene .
Amo la vita e amo tutto il mondo
Amo la gente e amo il sole ,
amo tutti voi
che almeno in qualcosa credete:
a volte basta un filo,
una piccola radice,
per fare un grande albero,
Che sia sempre la nostra amicizia
un grande albero
e questo Natale , come tutti i Natali,
un giorno nuovo
Per capire, ancora una volta,
che quel che conta di più
nella vita , come nell’universo intero,
è sempre l’amore !
|
